الوزير للمواطنين: لو التزمنا بتعليمات السكك الحديد لن تقع حوادث تقريبا
كامل الوزير.. وزير النقل والمواصلات
ناشد كامل الوزير، وزير النقل والمواصلات، المواطنين بالالتزام بتعليمات السكك الحديدية، "اللي بيعدي بتوك توك أو عربية مزلقان غير شرعي، ممكن المزلقان ميكنش ممهد، فميعرفش يعدي من قضبان السكك الحديدية، وفي نفس الوقت القطار مش هيوقف له، وده يعرض حياة المواطنين للخطر".
وأضاف "الوزير"، خلال مداخلة هاتفية في برنامج "على مسئؤوليتي"، مع الإعلامي أحمد موسى، على شاشة "صدى البلد"، أنه يجب على كل شخص أن يمر من المزلقان القانوني عندما يكون المزلقان مضيء له باللون الأخضر "ساعدونا عشان نقدم لكم خدمة مميزة، ونأمنك"، حيث إن إرشادات هيئة السكك الحديدية تأتي لتأمين المواطنين.
وتابع: "لو التزمنا بتعليمات السكك الحديدية تقريبا مش هيحصل حوادث، فيه حوادث بتحصل كل يوم ودي حاجة طبيعية، لو واحد معدي من قدام القطار ومش واخد باله إن القطار اتحرك بيموت، أو واخد باله بس افتكر إنه ممكن يعدي أسرع من القطار برضوا بيموت، أو واحد واقف على الباب وحب ينط من القطار قبل المحطة عشان يكسب دقيقتين أو ثلاثة، لا قدر الله بيحصله مشاكل".