ديكور البيت يبدأ من «السطوح»
ديكور البيت يبدأ من «السطوح»
«يارا وهناء وإسراء وريم» فى صورة تذكارية
يجلسن لساعات طويلة لا يشغل تفكيرهن سوى اسم «سنبك» يغزلنه بواسطة ألوان وخيوط ورسومات مبهجة.
أربع بنات أسسن مشروعاً للمنتجات اليدوية بإمكانات محدودة
«يارا، هناء، إسراء، ريم» أربع فتيات قررن البحث عن شىء جديد يصبح فى المستقبل واقعاً ملموساً، لتظهر موهبتهن فى مشروع شغل يدوى، يقدمن من خلاله أشكالاً وأنواعاً لمشغولات جلد وخيط غير تقليدية تحت اسم «سنبك».
مشروع «سنبك» يعيد الصناعة اليدوية إلى الأسواق بطابع وشكل جديد، تقول إسراء «احنا أربع بنات أنا ويارا وهناء وريم، كل واحدة منا كانت فى مجال مختلف، اللى فى تصوير واللى فى فنون، فكرنا نشارك بعض فى أكتر حاجة بنحب نعملها وتكون موجودة ومتاحة لينا، فلقينا نفسنا بنحب الشغل اليدوى والجلود».
عبر نحت كلمات الأغانى ورسمها عليه، ثم تلوينها بألوان ذات طابع نوبى وصوفى حسب الطلب، ليكون هو بداية إنتاجهن، تقول آية: «فكرنا نعمل حاجة مش موجودة، قلنا إن سنبك الهدايا مش كتير بيستخدم، فجهزنا تصميم مختلف ليه، وكان أول حاجة نعملها». «مسحراتى، فانوس، شنطة جلد، محفظة، سنبك بوجى وطمطم، إكسسوارات جلد، مقلمة، غلاف كتاب ومفكرة»، منتجات تصنعها الفتيات الخمس، فكل قصقوصة يصنعن منها منتجاً، تقول ريم «مابنرميش حاجة فى الزبالة، كل القصاقيص بنعمل بيها أفكار، فمثلاً لو عملنا شنطة، وباقى منها قصاقيص بنعملها حظاظات يد، أو ميداليات مكتوب عليها كلمات أغانى وأشعار». الخبط والدق، جعل الأهالى يشتكون من تجمع الفتيات كل يوم، عند واحدة منهن، وقلة الفلوس جعلتهن يفكرن فى سطوح البيت. تقول «يارا»: «فكرة السطوح جت لأننا ماكنش قدامنا مكان نقدر نشتغل فيه براحتنا ويكفى أدواتنا وقصاقصينا، خاصة إننا معناش فلوس إننا نأجر حاجة، ففكرنا فى الأوضة اللى على السطوح بتاعة حد من أصحابنا، وبدأنا نوضبها ونشتغل فيها».
12 ساعة مدة عمل الفتيات فى اليوم، لتنفيذ طلبية كاملة، يأخذ منهن الوقت والمجهود شهوراً، مروراً باختيار التصميم، وأنواع المنتج وألوانه، وصولاً إلى حياكته باليد، تقول «إسراء»: «شغلنا دايماً بيكون بالطلب، بس لو هنحضر أيفنت، بنجهزله قبلها بشهرين».