"ياريتك معايا".. قصيدة جديدة لـ"زهرة مصطفى"
ياريتك معايا
ومني قريب
كانت جروحي
فى حضنك تطيب
تلملم حكاية العمر
اللي ضاع
وتوصل ثنايا البعد
اللي عشش فوق
خدود ورد الهجير
ياريتك معايا
وإيد جوا إيد
تمسح بشوق
فوق جبين الليالي
وحبي الوليد
ياما عشته
في حلمي البعيد
ونعيش ليالي
ماليها الأمان
ومنك عليك قلبي يغير
أيوه يغير ....
من نفسي عليك
ومن كل نظرة
تشاغل عينيك
أو كلمة حلوة
اكتبها ليك
أو وشم رسمت
اسمك عليه
انا اللي ياما
شغلني عيون
وقلبي ما مال
ولا حس قول
وياما أتمنى الليالى
تطول
وحلمي البعيد
منك يطول
وألاقي قلوبنا
واخدها الحنين
وننسى الهموم
نفرح.. نعيش
قلبي اللي حبك
ما يعرف له خوف
انا اللي عنيده
وضعيفه
وبعيده
انا لو ها حبك
نفسي عليك
مني تغير
لو ترضى بحبي
انا اشرط عليك
أوعاك عيونك
لواحدة تميل
لاني في حبي
بحب بضمير