أثاث بسوق التونسي
«بـ20 ألف جنيه بس تجهز شقتك، أوضة نوم وأوضة أطفال وسفرة ونيش ومعاهم ركنة هدية و3 مراتب، كل ده بـ20 ألف جنيه».. هكذا بدأ تاجر الأثاث «خالد» أحد التجار بسوق البساتين، حديثه لـ«الوطن»، عن أرخص أثاث يمكن شراؤه في مصر، الذي يصل إلى 20 ألف جنيه فقط، يمكن من خلالها فرش أثاث الشقة.
مشكلة ارتفاع أسعار الأثاث في مصر وتجهيز الشقة، تؤرق الكثير من المقبلين على الزواج، لكن في سوق البساتين، ضُرب بأسعار الأثاث عرض الحائط، فوصل سعر تجهيز منزل الزوجية لـ20 ألف جنيه، بحسب حديث «خالد»: «أوضة نوم أطفال تبدأ من 5 آلاف، وركنة تبدأ من 2500، ونيش بيبدأ من 2000 جنيه، ومرتبة أطفال 1500 جنيه، الحمدلله هذا من فضل ربي».
غرفة نوم كبيرة، تحتوي على دولاب وسرير ومرتبة وكومدينو وتسريحة، يصل سعرها لـ10 آلاف جنيه، وتم تصنيع الأثاث باستخدام أخشاب الزان الأحمر، والدهان الدوكو: «بنشتري الشغل من دمياط، في تجار بتاخد مننا شغل، بس التاجر بيبع بسعر أعلى لأن عنده صنايعية ومستلزمات كتير بيحطها على سعر الأثاث».
لا يقدم «خالد» الأثاث بأسعار رخيصة وفقط، بل أيضًا قدم عرضًا للزبائن، توصيل قطع الأثاث إلى باب المنزل مجانًا لسكان القاهرة: «طول ما أنت داخل القاهرة التوصيل على حسابي، وكده يبقى أرخص تجهيز لشقة، والخامة لو مش متأكد منها، ممكن تجيب أي نجار أو صنايعي معاك يتأكد من جودتها، إحنا شغالين كميات، والخامات معظمها معظمها ماركة».
وليس هذا فحسب، بل يقدم تجار سوق البساتين أيضًا مطبخ يبدأ سعر المتر به 2200 جنيه، تقفيل ألومنيوم: «مفيش فرق بين الخامة دي والخامة اللي بره».
تعليقات الفيسبوك