«30 يوما من الصبر والحمد والرضا»، هكذا وصف المخرج أحمد ثروت نجل الفنان محمد ثروت، أزمته الصحية التي بدأت منذ قرابة الشهر، بعدما أفقده المرض الحركة تمامًا، وظل حبيس غرفته بأحد المستشفيات، إثر إصابته بمرض مناعي نادر في الجهاز العصبي «متلازمة الميلر فيشر»، هاجم جسده وبدأ معه رحلة طويلة من العلاج يستكملها حاليًا في ألمانيا.
اليوم الـ32 في رحلة علاج أحمد ثروت
وفي اليوم الـ32 من رحلة العلاج التي بدأها أحمد ثروت، مازال حريصًا على مشاركة متابعيه وأصدقائه، بصورة يوميًا من داخل المستشفى، إذ نشر اليوم عبر خاصية الـ«استوري» على موقع تبادل الصور والفيديوهات «إنستجرام»، صورة من داخل المستشفى مصحوبة بالآية القرآنية، «إنما يوفى الصابرون أجرهم بغير حساب».
تطورات الحالة الصحية لنجل محمد ثروت
وعن تفاصيل تطورات حالة نجل محمد ثروت الصحية، كتبها صديقه أسامة بدران عبر صفحته الشخصية على «فيسبوك» قائلًا: «من فترة كنت كتبت على قصة الضغط العصبي، وإنّ مافيش حاجة مستاهلة، وده كان بسبب حبيبي وصديقي أحمد ثروت اللي عنده 31 ولا 32 سنة، وهو عنده شركة في مجال الدعاية والإعلان، زميل صنعة زي ما بيقولوا، ومن شوية ضغط في الشغل خلال السنوات اللي فاتت، جات له جلطة في عينه الشمال، والحمد لله بتتحسن ولكن تطور الموضوع أكتر و جاله مرض في الأعصاب نادر أوي اسمه (متلازمة الميلر فيشر)، و ده مرض بيجي 1% في المليون، بيخلي الجهاز المناعي يهاجم الجهاز العصبي، وحاليًا مأثر على رجله الشمال تمامًا واليمين بنسبة 50% زي ما أحمد قال لي».
وتابع «بدران»: «الحمد الله عزيمة أحمد في حتة تانية خالص، وبيهزر وبيضحك ومؤمن ومبسوط إنّ ربنا اختصه، أحمد سافر لألمانيا عشان المرض ده محتاج مركز متخصص لعلاجه، أحمد سحبوا منه عينة مياه من المخ عشان يحددوا الموضوع أكتر، ويحطوا بروتوكول للعلاج بإذن الله، وبناء على النتيجة هيتحدد حاجات كتير أوي، وفي انتظار نتائج الفحوصات خلال أسبوع».
تعليقات الفيسبوك