أسماء عماد مدرسة الأحياء
ضجة كبيرة أثارتها مدرسة الأحياء الشهيرة «أسماء» بعد تداول صورة لها تظهر دخولها لأحد الأماكن لتقديم درس لطلابها، وهي محاطة بعدد كبير من البودي جارد، الأمر الذي دفع رواد السوشيال ميديا ميديا بتداوله بطريقة ساخرة، وسط دفاع طلابها عنها.
وأكدت أسماء عماد، مدرسة الأحياء، القاطنة في منطقة فيصل، أن الواقعة حدثت بالفعل في رمسيس، ولكن لم تحدث بالتفاصيل التي روجها رواد السوشيال ميديا على مواقع التواصل الاجتماعي، مضيفة: «أنا المادة بتاعتي أحياء، والأسئلة دايما بتكون صعبة على الطلبة، وده اللي بيضرب الطلبة في 3 ثانوي، فحاولت أعمل للطلبة حاجة جديدة، وهي عبارة عن مسرحية كوميدية بتضم أهم النقاط الصعبة في المنهج».
وبسبب زيادة العدد والمسافة البعيدة، كلها أمور دفعت الأهالي للقلق على أبنائهم، وفقا لما روته «أسماء» خلال حديثها لـ «الوطن»: «كانوا خايفيين عليهم، وعلشان كده حاولنا نطمنهم أن فيه أمن وحراسة ليهم، فاضطرينا نجيب كذا بودي جارد، طبعا مش كله كان ظاهر في الصورة ده كان فيه حوالي 20 بودي جارد».
وأوضحت مدرسة الأحياء، أن السر وراء ظهور الـ«بودي جارد» حولها بتلك الطريقة: «اللي ظهروا في الصورة دول شوية بس منهم حبوا يدخلوا معايا كنوع من التقدير ليا، والأهم أننا قدرنا نؤمن الطلاب، واستمتعوا بالمسرحية، وأهاليهم شكرونا بعد ما خلصنا».
وتكفلت «أسماء» بكافة المصاريف الخاصة بالمسرحية، وكذلك التأمين: «كان فيه مصاريف رمزية دفعها الأهالي للملازم فقط، لكن الباقي كله على حسابي، وكنت واخده كل التصاريح اللازمة لإخراج المسرحية العلمية بتلك الطريقة الممتعة للطلاب في عيد الفطر المبارك».
تعليقات الفيسبوك