السيسي: أضفنا 300 ألف فدان صالحة خلال عام.. «زرعناها قمح»
الرئيس عبد الفتاح السيسي
قال الرئيس عبد الفتاح السيسي إن مصر هذا العام أضافت نحو 300 ألف فدان صالحة للزراعة: «انضافوا بالفعل واتزرعوا السنة دي قمح، وإن شاء الله خلال السنتين اللي جايين هنضيف 2 مليون فدان ونصف آخرين، فيه فرص عمل في هذا الاتجاه، طب الاتجاه ده ممكن يبقى فيه قيمة مضافة أكتر؟، طبعا، لو ماخلتهوش بس منتجات زراعية عادية، ممكن نعمل فيه تصنيع زراعي للمنتجات اللي بتطلع عشان يبقى فيها فرص عمل، وفي نفس الوقت فيها قيمة مضافة للناس».
السيسي: الدولة تعمل على برنامج تشغيل
وأضاف السيسي، خلال حواره مع مراسلي الصحف الأجنبية على هامش منتدى شباب العالم، الذي يقام في مدينة شرم الشيخ في الفترة ما بين 10 لـ13 يناير الجاري: «إحنا كدولة بنتكلم في برنامج تشغيل، لما قلت إننا نفضل نشتغل كلنا حتى نحقق الحد الأدني ونوفر فرص العمل لكل من عاوز يشتغل على الأرض المصرية عشان مايضيعش».
وتابع رئيس الجمهورية: «بنتكلم في 8 و9 ملايين شغالين في الدولة المصرية بعيدا عن القطاع الحكومي والقطاع الخاص اللي هو الشركات، وبعيدًا عن التشغيل اللي يتم في كل حتة فيكي يا مصر، فعلًا الأرقام اللي بياخدها مش كتير والدخل بتاعه مش كبير، بس الشخص مايبقاش محتاج بس يبقى فيه فرصة».