صفحة أحمد حلمي تنعي الراحل يوسف عيد: كان ممثل لديه حضور وكاريزما عالية
نعت الصفحة الرسمية للفنان أحمد حلمي، وفاة الفنان القدير يوسف عيد، قائلة: "لما الناس تفتكر فيلم (جعلتني مجرما) وجملته الشهيرة اللي هوه كان بيقول فيها: (أضربك فين؟ وشك مافيهوش مكان).. قالها ممثل جوه الفيلم ساعتها لازم تؤمن أن الممثل ده عنده حضور وكاريزما عالية.. وأن الناس بتحبه.. ده كان يوسف عيد الله يرحمه.. بمجرد أنك تشوفه لازم تبتسم.. تضحك حتى لو مقالش ولا كلمة".
وتابعت الصفحة، عبر صفحتها الرسمية على موقع التواصل الاجتماعي "فيس بوك": "أن روح يوسف عيد حلوة وطلته خفيفة.. تلاقيه دايمًا موجود في بالك ودايمًا بتفتكره.. حتي لو مكونتش بتشوفه كل يوم أو حتي مرة كل سنه.. الله يرحمه ويحسن إليه.. كنت دايما بتمنى أنه يكون معانا في أي فيلم بنعمله وأشتغل دايما معاه.. المشهد اللي فيه الأستاذ يوسف كان دايما بيضيف بسمة وضحكة لا تنسى.. وكانت الناس أحيانا بتفتكر اسم الفيلم من أفية قاله يوسف عيد".