شوقي: «لو الناس تصبر هتشوف المغزى من تطوير التعليم.. والتنسيق هيتغير»
وزير التربية والتعليم والتعليم الفني
قال الدكتور طارق شوقي، وزير التربية والتعليم والتعليم الفني، إن الدولة مهتمة للغاية ببناء الإنسان، وأن تكون هناك أجيال متعلمة ولديها مهارة للحفاظ على النمو الموجود في كل المجالات، وفي الوقت نفسه هناك نظام تعليمي استقر وتغلغت جذوره وقائم على الوصول للدرجات وللمقاعد في الجامعة بكل الوسائل الممكنة.
وأضاف «شوقي»، خلال اتصال هاتفي ببرنامج «حديث القاهرة»، المذاع على شاشة قناة «القاهرة والناس»، ويقدمه الإعلامي خيري رمضان، «لما حطينا الضوء على النظام القديم، وبدأنا نحركه، ظهرت مقاومة، لأن فيه مصالح كتير اجتمعت، الطريقة القديمة المعتمدة على الدروس والتلقين والحفظ اتهزت، بس فيها مصالح مادية كتيرة وتعوّد من الأهالي بأن ده هو الأسلوب، وبالتالي لما اتغير الأسلوب الأهالي خافت وأصحاب الدروس قلقوا على دخلهم».
وأوضح أن الطلاب ضحية التفكير القديم، والتشكيك في كل شيء جعل الناس لا تهتم بلب القضية: «لو بس نكمل التجربة، ونستنى النتيجة، ونشوف النتيجة هتبقى شكلها إيه، وإزاي كل الأولاد، خاصة المجتهدين، هيقدروا يدخلوا الكليات اللي عاوزينها لأن التنسيق هيتغير بناء على النتيجة اللي هنقدمها لهم، والناس هتدرك المغزى من التطوير اللي ابتدى من 2018».