ربيع عن تحقيقات «السفينة الجانحة»: «هتخلص كمان 3 أيام»
الفريق أسامة ربيع .. رئيس هيئة قناة السويس
قال الفريق أسامة ربيع، رئيس هيئة قناة السويس، إنه بفضل الله، تم انتظام حركة الملاحة في قناة السويس، بعد أن مرت 532 سفينة منذ تعويم السفينة البنمية الجانحة حتى الآن، حيث كانت تمر يوميا من 85 لـ90 سفينة، «إحنا كنا وعدنا بكده والحمد لله نفذنا الوعد، لأننا قولنا على يوم الأحد هنرجع لطبيعتنا وحدث».
وأضاف «ربيع»، خلال مداخلة هاتفية في برنامج «حديث القاهرة»، مع الإعلامي خيري رمضان والإعلامية كريمة عوض، على شاشة «القاهرة والناس»، أنه لا يصح الحديث عن التعويضات في الوقت الحالي، كون هناك تحقيق ساري، «يفضل أني متكلمش فيه، فيه ناس جاءوا لينا، وطلبوا مننا بيانات، واحنا طلبنا منهم بيانات».
وأشار رئيس هيئة قناة السويس، إلى أن التحقيقات لا تزال سارية، وقاربت على الانتهاء، أمامها يومين أو ثلاثة وسيتم إعلان النتائج، «الصندوق الأسود اتفرغ كله ويتم كتابته التسجيلات وتفريغها، قناة السويس مضرورة من ما حدث، وإن شاء الله التحقيقات هتخلص كمان 3 أيام وهنعلن النتائج، وتم الانتهاء من فحص السفينة».
وتابع: «السفينة في الفحص الفني مفهاش حاجة، والدليل على كده أبحرت من مكان الحادث وحتى مكانها في البحيرات، رفاصاتها شغالة وكل حاجة فيها شغالة والفحص فيها قال إنها كويسة، إحنا كمان معندناش مانع نخلص الموضوع ودي، عشان أصحاب السفينه اتأخرت عليهم، وأصحاب البضاعه على السفينه، وغيرهم».
وواصل: «إحنا جاهزين لكل السيناريوهات، إحنا الحمد لله عومنا السفينه دون الإضرار بجسم السفينه أو البضائع اللي عليها، كان عليها 2400 طن وقود، لو نزل أو انسكب قي القناة كان ممكن تسبب مشكلة كبيرة، الحمد لله أنقذنا السفينه بدون أي مخاطر».