«فتاة المترو» عن واقعة التحرش: أصابتني بالتوتر.. وضباط الشرطة حسسوني بالآمان
فتاة المترو: الضغط النفسي عليا من أصدقائي أصابني بالإحباط
الإعلامي سيد علي
أشادت مريم، الشهيرة بـ«فتاة المترو»، بدور وزارة الداخلية، بعد القبض على الشخص الذي أجرى أعمالًا منافية للآداب في المترو: « أنا لقيت رد فعل جميل جدًا من كل اللي قابلتهم من الضباط، كل اللي قعدت معاهم طبطب عليا وحسسوني إني في أمان، وكان بصراحة أمر رائع للغاية».
وأضافت «مريم»، خلال مداخلة هاتفية في برنامج « حضرة المواطن»، مع الإعلامي سيد علي، على شاشة «الحدث اليوم»، أنها أصيبت بتوتر بعد الواقعة: «فيه ناس ضغطت عليا بس بأسلوب غير مباشر، فيه ناس في الشغل عندي كانوا بيقولوا لبعضهم محدش يكلمها بدل ما ترفع علينا قضية تحرش».
وطالبت «فتاة المترو»، كل فتاة أو سيدة مصرية أن تأخذ حقها بفضح أي متحرش، « لو حد سبب لواحدة أذى من التحرش لازم على الأقل تفضحه حتى لو مش عاوزه الموضوع يمشي في سكة القانوني، أو اللي حواليها في البيت رعبوها، على الأقل خالص تفضحه وتعرف الناس أن ده متحرش، ويكون ماشي في الشارع خايف لأنه عمل حاجة غلط».
وأوضحت أن الواقعة سببت لها أذى نفسي: «فيه ناس كتير جدًا بيساندوني، وخطيبي أول واحد ساندني ووقف معايا من الأول، وانضغط عليا من ناس قريبين مني، خطيبي قالي اللي يغلط فيكي يغلط واللي يزعل منك يزعل أنا موجود جنبك، وبعدين أنا معملتش حاجة غلط، طول ما انتي شايفة إن اللي قدامك غلط افضحيه».