عرافة.. قصيدة لـ "علاء عبد الظاهر"
مشيت فى حارة طويلة
أدور على حقى الضايع
لقيت عرافة عجيبة
جاية تقرا لى الطالع
قابلتنى بابتسامات [SecondImage]
وبفرحة مع سلامات
قلت لها الشكل أنا عارفه
لكن اسمك مش فاكره
يا ترى الحلوة منين
من بلدى من البحرين
الطالع شايفاه إيه
رنة حتة ضحكة
وقالت لي شايفاه خير
دى بلدى ما بين الإتنين
وسابتنى فى حيرة غريبة
دمعى نزل من العين
جريت مليان بالحيرة
بنادى بصوت فضاح
نفسي البال يرتاح
وألاقي دليل لطريقي
والعز يبقي رفيقي
وليلي يبقي صباح
لكن إزاي راح أصدق
إنها بتشوف الطالع
وأنا عارف قبل ما تبدأ
حظي دايماً في النازل