محمد شاهين يستعد لطرح "100 هزة" في انطلاقته الفنية الجديدة
محمد شاهين
يستعد الفنان محمد شاهين لتصوير أغنيته الجديدة "100هزة"، والتي تعد اولى أعماله الغنائية في انطلاقته الفنية الجديدة التي تبدأ خلال الفترة المقبلة بعد الأزمة التي مر بها مؤخرا بسبب ضعف الإنتاج الفني.
الأغنية من كلمات حسام سعيد، وألحان أحمد أبو زيد، وتوزيع زووم، وإخراج اللبنانى عادل سرحان، ومن المقرر أن يتم تصويرها الأيام المقبلة على طريقة الفيديو كليب فى دولة الإمارات العربية المتحدة وتحديدا دبى.
شاهين أبدى منذ أيام رغبته في الاعتزال بسبب صعوبة الوسط، بحسب قوله.
وكتب شاهين عبر فيس بوك "أوحش حاجة هي الغربة في شغلها وفي مرارتها، إخص على الأيام والظروف اللي تخلي الواحد يروح لناس متعرفوش ولا يعرفها علشان لقمة العيش، إخص على الناس اللي خلتنا نتغرب علشان أكل العيش، الفن حلو لكن حاليا بقى ماسخ، الكبار بس هما اللي يقدروا يزودوا نجاحهم، أنا لو قررت أعتزل الغنا أقسم بالله ماهرجع له تاني وهشوف شغل تاني، اتبسطوا ياللي خايفين ومرعوبين متقلقوش الرزق موجود في كل مكان على الأرض".
وأضاف: "أنا هفضل أشقى ومش عايز حاجة من حد في الدنيا، أنا يكفيني إن عملت اللي أنا عايزه في حياتي وبقيت نجم ستار أكاديمي الموسم العاشر رغم كل الحاقدين لكن دلوقتي أنا صبرت كتير وفي الآخر بلاش فلسفة في الكلام والنبي يا متفلسفين، محدش بيساعد حد أنا اللي هساعد نفسي بنفسي طول ما ربنا موجود وزي ماتيجي تيجي".