عيلة «أبوالخير» ترقص على «بُشرة خير»
على أنغام أغنية «بُشرة خير»، انهمكت عيلة «أبوالخير» فى الرقص على «تروسيكل»، لا يشغلهم سوى التعبير عن فرحتهم بالانتخابات، التى هى فى نظرهم بالفعل بُشرة خير لمصر.
عيلة «أبوالخير» جاءت إلى شبرا الخيمة خصيصاً للتصويت فى مدرسة «الفرنوانى»، لكى تختار رئيس مصر المقبل، وبينما هم ينهمكون جميعاً فى الرقص، يعلو صوت أحد الأطفال قائلاً: «هننتخب كلنا السيسى». محمود الذى يقود «التروسيكل» أكد أنه قام بتأجير العربة لكى يصطحب «حريم» العائلة، على حد وصفه، للمشاركة فى الانتخابات: «هما صمموا إن مشاركتهم ماتكنش بالحبر الفسفورى بس، ولكن كمان بالرقص والغنا». تضحك أم فتحى، التى ترتدى الجلباب والطرحة السوداء، من كلام زوجها، وهى تلوح بعلم مصر قائلة: «ما بقاش ينفع المصريين ينتخبوا من غير غنا ورقص.. دا الحاجة الوحيدة اللى بتفرحنا وسط الهم اللى شايفينه». أم سعيد، ابنة عمتها أكملت الحديث، وقالت: «الواحد زهق من المشاكل اللى كل يوم بيشوفها، والأخبار السيئة اللى بيسمعها من موت لانفجارات، وقررنا النهارده يبقى زى يوم العيد، ماينفعش فيه غير الضحك والغنا والرقص».