بسبب ترند آراء الفنانين.. ريهام حجاج: "بنهري في تفاهات"
ريهام حجاج
انتقدت الفنانة ريهام حجاج، الاهتمام بالتصريحات التي يطلقها بعض الفنانين، وتناولها بشكل مبالغ فيه من جانب المتابعين.
وكتبت "ريهام" عبر حسابها على موقع التواصل الاجتماعي "فيس بوك"، قائلة: "على فكرة في شابة زي الفل اتقتلت عشان جوزها بعتلها العامل اللي بيشتغل عنده عشان يغتصبها ويخلص منها".
وأضافت: "وراجل رمي مراته من الدور الخامس، وست قتلت بناتها الاتنين عشان متخانقة مع جوزها، كل دا في أسبوع، ماسمعتش حد اتكلم ولا سوشيال ميديا انتفضت يعني؟".
وآضافت "ريهام"، بقولها "خلينا قاعدين نهري في تفاهات، تصريحات فنانين وتدخلات في آراء الآخرين وحياة الناس الشخصية".
وعادت "ريهام" وأدخلت تعديلا على البوست، بقولها "مش بتكلم عن التوك شو والمواقع اللي أصلا دا شغلهم ومش مقصرين فيه، باتكلم على رد فعل الناس، في إيه أهم من اللي حصل عشان يطلع ترند؟، ليه مثلا مانزلش هاشتاج يرفض هذه الجرائم".
وتابعت: "أكيد الأطفال اللي بيتربوا في البيوت دي حايطلعوا غير أسوياء ويعملوا كل اللي المجتمع يرفضه ونرجع نهاجمهم ونشتمهم".
واستطردت "الجرايم دي أولى بالترند من أجل الأطفال دول ومجتمع أفضل، أولى من النميمة والأحكام اللي مش في محلها على الناس وحياتها".
وتسبب تصريح الفنان يوسف الشريف، بشأن رفضه القبلات والمشاهد التي تحتوي على مشاهد ساخنة، حالة من الجدل على مواقع التواصل الاجتماعي المختلفة.