«أبو إسلام» يفصل الملابس مجانا
شعوره بمعاناة جيرانه من ذوى الدخول المتواضعة، منذ بدء أزمة كورونا، ورغبته فى إدخال السرور على قلوبهم، دفعه لإطلاق مبادرته التطوعية، بتفصيل ملابس العيد مجاناً للأطفال.
محمد مختار، الشهير بـ«أبوإسلام»، صاحب محل تفصيل ملابس بمنطقة عزبة النخل، قرر تخصيص جزء من مجهوده لصالح الأسر الفقيرة فى العيد: «قلت أفرحهم بحاجة أقدر أعملها، لو مش هيقدروا يخرجوا فى العيد السنة دى، على الأقل أفرحهم فى البيت».
معظم من قام «أبوإسلام» بالتفصيل لهم من أبناء العمالة اليومية، أكثر المتضررين من تداعيات الفيروس المنتشر: «اقترحت عليهم أفصل لهم اللى عايزينه واتبسطوا قوى».
يعمل «أبوإسلام» لأكثر من 10 ساعات يومياً، خصص منها 4 ساعات لتفصيل ملابس الأسر الفقيرة، حتى يستطيع إنجازها قبل أول أيام العيد: «بدأت من نص رمضان، وكنت بشتغل بسرعة جداً، عشان أخلص بدرى، وبمجرد ما القطعة تخلص فى إيدى، بكلم صاحبها يجيب ابنه وييجى يقيس، عشان لو محتاجة تتظبط».
حرص «أبوإسلام» على شراء الأقمشة على نفقته الخاصة، أما اختيار الشكل فتركه لذوق الطفل أو والدته: «فرحة الأطفال بتكون فى اختيار طقم العيد، كنت بعرض عليهم مجموعة صور ويختاروا الموديل اللى يحبوه».
تعليقات الفيسبوك