المبتهل مصطفى عاطف يكشف لـ"كلم ربنا" عن دعائه الذي تحقق: الله هو واسطتي
المنشد الديني مصطفى عاطف
قال المنشد مصطفى عاطف، إنه دائمًا يحرص على التحدث إلى الله سبحانه وتعالى، مؤكدًا أنه يعتبر الله "واسطته"، لكي يحصل على كل ما يريد.
وأضاف عاطف، خلال حواره مع الكاتب الصحفي أحمد الخطيب، في برنامج "كلم ربنا"، المذاع على إذاعة "الراديو 9090": "من وأنا وصغير مقتننع إن ربنا واسطتي، وأي حاجة عاوزها ملكه والكون كله في تسييره".
وتابع: "من وأنا أصغر من 17 سنة، حلمت بتسجيل القرآن والإنشاد بصوتي، وقتها كان شيئا بعيدا لأنني كنت صغير ومش من القاهرة، لكني كنت مقتنع إن أي قناة وأي شركة بتاعة ربنا، اتكلمت معاه وقلتله يا رب عاوز أسمع صوتي ليك فتسمعه للناس أنا مش طالب حاجة من الناس أنا طالب منك أنت".
وأكد: "قلتله يا رب اجعل صوتي في جميع البيوت يصدح وبالفعل ده حصل في فترة من الفترات، ده كرم ورزق، دعيت بيه بيني وبين نفسي، ولما حصل وكُلفت بتسجيل الآذان والأدعية حسيت إن ربنا كان سامعني".
وأكد أنه يعتذر لله على أخطائه: "لله المثل الأعلى، بس أنا لما بغلط بعتذر لربنا كأني غلطت في حد، بقوله يا رب أنا آسف سامحني أنا إزي غلطت وألوم نفسي وأنا بتكلم معاه، بقوله هتغفر لي، عارف إنك هتسامح وبقولك اعطيني واهديني وقربني".
واستكمل: "بتكلم مع ربنا وبشوف إن من أمتع وأعظم الأوقات اللي بنكلم فيه ربنا وهو لما بتكون بتحب ربنا، إنك تقول لربنا بحبك وانت عظيم وتقعد تفتكر مواقف أعطاك وحماك فيها".