هبة الأباصيري: عارفة باسوردات بناتي.. ومفيش حاجة اسمها حياة خاصة
هبة الأباصيري
حلت الإعلامية هبة الأباصيري وابنتيها "ليلى"، و"كايلا" ضيوف في أولى حلقات برنامج "حلو بس"، المذاع على شاشة قناة "dmc"، والذي يقدمه الإعلامي أحمد يونس بصحبة العروس "زيتون".
وقالت الإعلامية أنها تخشى على ابنتها "ليلى" عندما لا تستوعب خوفها عليها، والخروج عن الشعور أحيانا: "أنا كنت زمان بعاند ومش بسمع الكلام بسهولة، بس لما كبرت قدرت تربية أمي، ونويت أن هعمل كده مع بناتي".
وأضافت: "بتدخل في كل حاجة في حياتهم، مفيش حاجة اسمها برايفت في السن دة خالص، برايفت دي لما يعيشوا بعد كدة في بيتهم، عارفة باسورد موبايلاتهم"، وردت ابنتها: "ليلى"، قائلة: "أحيانا في الأول كان كدة بيضايقني بس بعد كدة عادي".
من جانبها قالت ابنتها "كايلا": "بزعل لما ماما تقولي نامي بدري، وساعات مش بتخليني آكل أكل بحبه زي الماشروم، أكتر حاجة بحبها في ماما أنها بتسمحلي أني أخرج مع أصحابي".
برنامج "حلو بس" يستهدف الأطفال من عمر 6 إلى 12 عاما، حيث يرصد "يونس" الأشياء الجميلة المحيطة بنا في كل مكان، وتسليط الضوء عليها، وحث الأطفال على التحلي بكل الصفات الإيجابية.