"الوزير" يعنف صاحب شركة مقاولات: اللي يعمل طريق فيه عيوب ميشتغلش معايا
المهندس كامل الوزير
تفقد المهندس كامل الوزير وزيرالنقل، تطوير المرحلة الأولى من طريق "القاهرة – أسوان" الصحراوي، ضمن المرحلة الثالثة من المشروع القومي للطرق لتسيهل حركة التجارة بين محافظات الصعيد، وبدأت الجولة بتفقد كوبري الفيوم مع أسيوط الصحراوي.
وقال سعيد محمود صاحب إحدى شركات المقاولات، خلال تقرير أذاعه برنامج "على مسؤليتي"، على شاشة "صدى البلد"، "الوزير دي طريقته، ولو مجاش بيتابع بالتليفون.. عملت إيه في الباكية دي والباكية دي.. في متابعة يومية".
وقال الوزير للمسؤلين عن المشروع، خلال ما بثه التقرير: "كدا الطريق؟ قولنا ميشيلش الحمولات بتاعته، أحرك العربيات ليه عليه وهو لسة مكملش؟ والكلام ده قولته.. فيه ترميم وإحنا لسة على الطريق.. ده يصح؟.. ده يتخصم عليه.. ده سوء مصنعية".
واستكمل وزير النقل جولته التفقدية لأعمال تطوير المرحلة الأولى من طريق القاهرة أسوان الصحراوي، للتأكد من مراعاة المواصفات القياسية في تنفيذ الأعمال، والتأكيد على كافة الإجراءات الصحية والاحترازية للعاملين.
وعنف الوزير أحد المسؤلين عن المشروع، قائلا: "الشركة اللي تعمل طريق ويطلع فيه عيوب وأنا لسة ماشي عليه ماتشتغلش معايا.. مش قولت مانعملش مطبات صناعية على الطريق.. عامل مطبات صناعية ليه؟".