البنك المركزي عن تحديد السحب: أي مؤسسة محتاجة نقد هتاخده
محافظ البنك المركزي
قال طارق عامر، محافظ البنك المركزي، إنه بالنسبة لتحديد حد أقصى للإيداع والسحب "مفيش مؤسسة هتبقى محتاجة نقد إلا ماهتاخده.. شركة الدخان بتبيع كاش ومحطات البنزين وشركات تانية هناخد الكاش بتاعها من غير حدود، ولكن معاها فرصة أسبوعين لتوثيق أوضاعها.. أتمنى الأسلوب اللي بنشتغل بيه يتغير هي مش طريقة مثلى ولا سليمة لكل الناس".
وأضاف عامر، خلال مداخلة هاتفية مع الإعلامي أحمد موسى ببرنامج "على مسؤوليتي"، على شاشة "صدى البلد" أنه مسؤول عن صحة العاملين في البنوك وعن العملاء، في ظل انتشار فيروس كورونا "شوية نظام مش معناه ننزعج، قبل كدا عملنا إجراءات صعبة كتير وناس زعلت منها، ولكنها كانت صح".