"غنى في فرح بنتها ببلاش".. موقف إنساني لشاكوش مع سيدة منتقبة
حسن شاكوش
تحدث حسن شاكوش مغني المهرجانات، عن بداية حياته الفنية، قائلًا: "بدأت الغناء من 15 سنة، لما كنت بلعب كرة في نادي الإسماعيلي، لما بنزل إجازة كنت بغني في أفراح، لغاية ما بطلت كرة في سن 21 سنة".
وأضاف "شاكوش"، خلال حواره في برنامج "كل يوم"، مع الإعلامية بسمة وهبة، على شاشة "ONE": "لحد دلوقتي بعمل حفلات العيد الكبير والصغير، ببقى نفسي أفرحهم، ومرة سيدة منتقبة، كانت معاها بنتها، قالت لي بنتي بتحبك وعاملة جمعية من شهر، عشان أجيب الراتب بتاعك، وتروح الفرح، قلتلها مش هاخد حاجة ومأخدتش ولا مليم".
وعن المرة الأولى التي غنى فيها، قال شاكوش: "كانت في بولاق، في شارع الجمعية، في فرح شعبي كان فيه نجوم، زي طارق الشيخ وفرقة عادل البرنس، ومعروفين عندنا في بولاق، وكنت بروح كل الأفراح اللي بيروحوها".
وتابع: "الناس كانوا عارفين إن صوتي حلو، وكنت بغني أغنية، وفي كل أفراح بولاق مش باخد فلوس، وبغني ببلاش، وبغني لأصحابي بالحب، ومش باخد فلوس من ولاد منطقتي، هم صحاب الفضل عليّ، ومش معقولة هاخد منهم فلوس".