نادر حمدي عن عمرو دياب: "بشوفه أسطورة حية" بها مستقبل وحاضر وتاريخ
نادر حمدي وعمرو دياب
نشر الفنان نادر حمدي عضو فريق واما، صورة تجمعه بالفنان عمرو دياب أثناء احتضانه، عبر حسابه الشخصي موقع تبادل الصور والفيديوهات "إنستجرام".
وكتب "حمدي"، "أنا لما بشوف الراجل ده، بشوفه بشكل تاني غيركم كلكم، أنا أسف طبعا بس بجد بشوفه أسطورة حية فيها مستقبل وحاضر وتاريخ ماشي على الأرض، ولسه بيمدنا بعطائه اللي أنا ماشفتش زيه في مطرب آخر، عشان كده بقّدر كل خطوة، وكل طلب بيطلبه مني لما بنشتغل مع بعض".
وتابع: "لو شايفين الصورة هتلاقوني (متشعلق) فيه مش حاضنه، علشان ده إحساسي ناحية الأغنية المصرية، وهو ممثلها، لو الراجل ده مش بيتعب عشان ينجح بالشكل ده، كان زماننا ما بنسمعش غير اللي بنسمعه اليومين دول مع احترامي لكل أنواع الفن، بس أحنا بنسعى للتحضر ولتحسين الذوق العام، وربنا يقدرنا جميعا، عمرو دياب أنا قولت اللي ماحدش قاله، وعملت اللي ماحدش عمله".
كان فريق واما، أصدر أغنية "يلا نرقص" خامس أغنيات ألبوم "الصيف ابتدا"، الجديد لفريق واما، الذي يشهد عودتهم للساحة الفنية مرة أخرى، بعد غياب نحو 4 سنوات.
ويعتبر فريق "واما"، واحدا من أبرز الفرق الغنائية، المكون من الفنانين نادر حمدي، أحمد فهمي، محمد نور، وأحمد الشامي، وكانت بداية انطلاقاتهم عام 2002، مع ألبوم "يا ليل"، وفي رصيدهم الفني 4 ألبومات، بجانب عدد من الأغنيات السينجل.