عمرو أديب عن مباراة السوبر: شئ مخجل.. خلتوني في وسط هدومي
الإعلامي: اللي حصل في أبو ظبي مش ماتش كورة ده قلة أدب
الإعلامي عمرو أديب
وصف الإعلامي عمرو أديب، ما حدث بين لاعبي مباراة الأهلي والزمالك وجمهوري الفريقين بأنه شيء مخجل "خلاني في وسط هدومي".
وقال "أديب" خلال تقديمه برنامج "الحكاية"، على شاشة "mbc مصر": "ناس كتير مستنية تعرف انطباعي عن النتيجة، بس أتكلم عن إيه! أما يبقى الجمهور موجود في أبو ظبي والناس عاملين كل حاجة وموفرين أتوبيسات للجماهير وأمن وعدد كبير من الجماهير مش بنشوفه هنا غير في المباريات الدولية ويحصل فيه كل دا!".
وأضاف: "مش عايز استخدم ألفاظ زيادة إنما اللي شوفناه من الجمهور ومن اللاعبين غير مقبول، وإذا كنا بنعمل دا برا مصر هنعمل إيه هنا، إيه اللي بيجرا دا، وإيه الحركات اللي اتعملت في الملعب دي، وإيه الهتافات العنصرية اللي في الملعب دي".
وتابع: "وأنا راجع الصبح كان معايا شريف إكرامي ورمضان صبحي على الطيارة وسلمنا على بعض عادي ولم نتحدث في أي شيء، إنما كان فيه ناس بيلاحقوهم، واللي حصل دا مش مباراة كرة دي قلة أدب".