بسبب الزواج من 4.. سناء منصور: يوم كرهت فيه الإذاعة
التلفزيون لم يسحب البساط من الإذاعة حتى يومنا هذا
الإعلامية سناء منصور
قالت الإعلامية سناء منصور، إن البعض اعتقد عند ظهور التلفزيون سحب البساط من تحت أقدام الإذاعة، ولكن حتى يومنا هذا لم يحدث ذلك، "طول ما الإنسان لسه بيتحرك الونيس بتاعه هيكون الإذاعة مش التلفزيون".
وأضافت خلال لقاء ببرنامج "مانشيت"، المذاع على شاشة "EXTRA NEWS"، الذي تقدمه الإعلامية رانيا هاشم، أن المحتوى الإذاعي في الماضي كان راقيا للغاية، وكان لكل محطة إذاعية سمة مختلفة، نفسي كل رؤساء الإذاعات الموجودين دلوقتي يعرفوا إن الترفيه مش هو اللي هيجذب المستمع، ولازم يقعد مع نفسه ويقول إيه المحتوى اللي أنا بقدمه، الإذاعة ممكن تلعب دور خطير أكثر من دور التلفزيون".
وأشارت إلى أنها كإذاعية جاءت لها صدمة ثقافية من بعض الإذاعات "اللي فيها إعلانات ومكسرة الدنيا"، مردفة "لقيت المذيع والمذيعة على الهوا بيطرحوا موضوع وعاوزين الناس تكلمهم في التليفون وتقولهم رأيهم في موضوع لو طلع قانون إن كل راجل يتجوز 4 ستات رأيك إيه في هذا القانون؟"، مستكملة "عمري ما كرهت في حياتي الإذاعة قد اليوم ده، قلت لنفسي إيه اللي جرا للمذيعين والمذيعات".
وتابعت: "أنا أضيع ساعة من وقت المستمع الكريم عشان موضوع زي دة ليه؟، دي إذاعات لازم تتقفل".