يحتفل الجميع بذكرى حرب 6 أكتوبر عام 1973، كل عام متغنين بنجاح جيشهم المصري في عبور قناة السويس وتحطيم مقولة "الجيش الإسرائيلي لا يهزم".
وإلى جانب ذكرى 6 أكتوبر والاحتفالات بالنصر، يشعر عدد كبير من المصريين بسعادة كبيرة اليوم، لأسباب خاصة يشرحها عدد من الشباب لـ "الوطن".
5 أسباب مختلفة تسعد المصريين اليوم بجانب احتفالات النصر بـ 6 أكتوبر
- عرض فيلم الممر حصريا اليوم على ON E، الساعة العاشرة مساء مما يتيح لمن يحالفهم الحظ لمشاهدته في قاعات السينما رؤيته مع الأهالي رغم أنه لا يزال جديدا، وفقا لوصف إبراهيم محمد (33 عامًا): "فرحان جدا كان نفسي أشوفه ومعنديش وقت ادخل سينما عشان الشغل فهقدر أشوفه وببلاش كمان".
- جاء اليوم إجازة رسمية ولحسن الحظ بعد الإجازة الأسبوعية أي يمكن للكثيرين السفر 3 أيام لتغيير جو، بحسب قول ساندرا فؤاد (28 عامًا): "أحلى حاجة لما الإجازة الرسمية تيجي بعد الويك اند، سافرت مع أصحابي وهرجع بليل اتفرج على فيلم الممر مع أهلي".
- هدوء الشوارع وإتاحة الفرصة للذهاب إلى أي مكان بدون زحمة أو إزعاج، هكذا يشعر أحمد محمود (30 عامًا) بسعادة كبيرة: "أنا بالنسبالي دي أحلى حاجة والله لما الدنيا تبقى فاضية وتمشي في الشارع براحة نفسية كده".
- فرصة كبيرة أن يجتمع فيها الأقارب وعمل "حفلة باربكيو" وتبادل الأحاديث والذكريات وسط الأجداد، بحسب مي أحمد (35 عامًا): "عشان جاي بعد يومين إجازة أسبوعية فادانا الفرصة كلنا نرتب أننا نقضي اليوم ده سوا، وخصوصا مع حكايات جدو وتيته".
- يمكن دخول السينما وخاصة فيلم "الجوكر" الجديد بعيدا عن الازدحام وإزعاج المشاهدين، هذا ما سيفعله عبدالرحمن (29 عامًا) مع أصدقائه: "أنا أصلي بكره دوشة السينما وعيل يعيط وناس بتكلم سوا، فأحلى حاجة ادخل في وقت أنا وأصحابي مش كتير هيفكروا يدخلوا فيه".
تعليقات الفيسبوك