في تسجيل صوتي.. مرسي ينتقد مصطفى بكري: "إحنا في دولة مش لعب عيال"
تواصل "الوطن" انفراداتها بنشر تسجيلات الرئيس المعزول محمد مرسي من داخل محبسه، حيث تكشف التسجيلات انتقاد مرسي للكاتب الصحفي مصطفى بكري، وحديثه عما وصفه بـ"تفاصيل اجتماعاته مع قيادات المجلس العسكري"، معتبرًا أن هناك "صندوقًا أسود" للدولة لا يجوز لأحد أن يتحدث عنه على الملأ، وشبّه المعزول الفساد في مصر بـ"الخزان اللي كل ما تحط فيه ميه المحبس يطنفس".
وإلى نص حديثه:
"في ناس هبلة طلّعوا مصطفى بكرى يقول (ده الرئيس قعد مع القيادات العسكرية، وكانوا بيقولوا إيه وإيه)، مين اللي قال لك الكلام ده (...)؟. يا دي المصيبة، فيه حد يقول كده، اللي قال لك كده لازم يتحاكم، هو أنا هاسيبهم".
ويتابع مرسي، في التسجيل الصوتي: "إزاي القائد بتاع القوات المسلحة ورئيس الجمهورية قاعد مع القيادات الكبيرة بيتكلموا في موضوعات خاصة جداً جداً جداً جداً، وبياخدوا قرارات، بتستخبى القرارات عشان يبقى لينا وجه، عشان نعرف نشتغل، إزاي واحد يقول ده، يقول له إيه، إحنا قلنا إيه، وعشان نجيب الجنود دول (يقصد الجنود المختطفين الذين تم تحريرهم) عملنا إيه، وعملنا خطط شكلها إيه، والخداع الاستراتيجي والخداع مش عارف إيه، دولة يعني فيه دولة، مش كلام لعب عيال، تقوم تيجي تقول أصل انت مش عارف، انت مجنون؟ انت مجنون يعني؟ انت مجنون؟"
أخبار متعلقة
البرغوثي: حديث مرسي في التسريبات المنشورة بـ"الوطن" يدل على معاناته من خلل نفسي
مرسي متحدثا عن وزير الداخلية الحالي: "ماهواش" الظابط اللي حاطينه فى البتاع
انفراد| «الوطن» تواصل نشر تسجيلات «المعزول».. «مرسى»: «الخزان مهما تحط فيه ميّه.. المحبس بيطفنس»