شباب كفر طهرمس يدهنون واجهات المنازل بلون موحَّد: «أمرك يا سيسى»
فريق «رجالة شارعنا» الذين نفذوا المهمة
حالة من الحماس والنشاط انتابتهم بعد دعوة الرئيس لمبادرة طلاء المنازل بلون موحَّد، لإعادة الشكل الحضارى لمصر، فاتفقوا وكوَّنوا فريقاً فيما بينهم تكون مهمته تجميل الشارع وطلاءه بلون موحَّد، هذا ما فعله أهالى منطقة كفر طهرمس التابعة لحى فيصل، بحسب سالم أحمد، أحد القائمين على الفكرة، والذى كوَّن فريقاً من 25 شاباً للقيام بأعمال التجميل بالجهود الذاتية.
أطلق الجيران اسم «رجالة شارعنا» على الفريق الذى نفذ الفكرة: «واجهات المنازل كلها بقت لون واحد وكل الشوارع اللى جنبنا بقت غيرانة من شكل الشارع بتاعنا وبتقلدنا»، بعد العديد من المشاورات وحيرة فى اختيار الألوان اتفق أهالى الشارع على دهان الواجهات الخاصة بالمنازل باللونين «النبيتى والبيج»: «دهنّا حوالى 30 عمارة همّا اللى دفعوا».
200 جنيه هى القيمة التى حددها الفريق لمشاركة الأهالى فى المبادرة: «كل بيت دفع المبلغ ده، وإحنا اللى نفذنا الدهانات بنفسنا»، ويستعد الفريق لتشجير الشارع خلال الأيام المقبلة ليكتمل جماله: «الواحد نفسه يقعد فى مكان نضيف، فكان لازم يبدأ بنفسه عشان يشوف منظر يسرّ عينه».
ولكسر الروتين بدأ الجيران فى تنظيم حملات نظافة للشارع خلال أيام العطلة: «بننزل الشارع يوم الجمعة قبل الصلاة ننضف الشارع ونكنسه، ونلمّ أى قمامة موجودة، لو كل واحد بدأ بنفسه بلدنا هتتقدم، لازم الواحد يكون إيجابى». وبحسب «سالم»، فإن الشباب قاموا بعمل جروب على «الواتساب» لتنظيم الأدوار فيما بينهم.