منى عراقي: «تعبت من الشقا والجري».. والليثي: «هنوديكي المطبخ»
الإعلامي عمرو الليثي والإعلامية منى العراقي
قدم إعلاميو فضائية "النهار" فقرة خاصة احتفالا برأس السنة الجديدة، ظهر فيها جميع مذيعي الفضائية، وقال كل منهم كلمة لجمهور ومتابعي القناة.
وقالت منى عراقي مقدمة برنامج "المهمة": "أنا النهارده واقفة في وسط زمايلي علشان نقول حاجة مهمة، إحنا هنا على القناة مش علشان ننافس بعض إحنا هنا علشان نحاول نكمل بعض والصورة اللي كنت دايما بتمني ألاقيها ونحاول نقدم اللي نتمني نقدمه، في 2019 عندي أحلام عظيمة أنا وكل فريقي وكل الناس اللي واقفين ورا الكاميرا وكل الناس اللي بتتفرج علينا، يارب السنة الجديدة تكون أفضل وأجمل ومليانة أحداث أحلى".
وأضافت عراقي: "فرصة إننا متجمعين النهارده، أنا تعبت من الشقا والجري في الشوارع والضرب والبهدلة، والنهارده فرصتي الحقيقة إني أثبت أني أنفع في حاجات تانية يا جماعة، أنا مش بتاعة بهدلة بس لو خدتوني في الشوارع هكنس والله، ولو خدتني في المطبخ هطبخ".
ورد عليها الإعلامي الدكتور عمرو الليثي: "خلاص إنتي في المطبخ.. مبروك يا منى".