بريد الوطن| حبك وحده
الحب - صورة أرشيفية
دقة قلبى طالعة ف ودنى
لما تقرّب بتجنننى
كلِّ الكون دا أصغر منِّى
وانا ويَّاك الملكة وتاجها
دنيا الحب اللى انا بحتاجها
موجة البحر تثور وهياجها
تكنس كل الدنيا عداك
أحلى حبيب ف الدنيا ملاك
وانا مش شايفة حد سواك
نظرة عينه بتطمنى
يمكن عاشقة عشان اكمنى
حبك وحده اللى بيهزمنى
بس بحس دفاه فى عنيك
نظرة عينك ياه أتاريك
تلقى العقل اتركز فيك
واللى ف إيدى اندش ف ثانية
ولا بعرفشى الإيد م التانية
يا نار الشوق م تزيدى
حبك وحده اللى بيهزمنى
وأفتح بابه ألقاك ف الوش
أقفل تانى بسرعة وأكش
كل مصاعد الدنيا دى غش
والعفريت يطلع ف جنابه
نفس الطلعة ونفس مهابه
ولا واخد تمليك من بابه
حبك وحده اللى بيهزمنى
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com