عاجل| الرئيس السيسي للمصريين: "لازم تبقوا سعداء جدا وفخورين بأنفسكم"
السيسي
تحدث الرئيس عبد الفتاح السيسي للشعب المصري، خلال حفل افتتاح المشروع القومي للصوب الزراعية في مدينة العاشر من رمضان، متسائلا: "المشروعات القومية مبتحسسكوش إننا بنتحرك بخطى جيدة، مش عاوز أقول خطى غير مسبوقة".
وقال الرئيس: "حد يسأل يقولي تكلفة مشروع زي كده كام؟.. تكلفة الـ35 ألف فدان صوب كام؟.. أنتم لازم تبقوا سعداء جدا وفخورين بأنفسكم يا مصريين.. اللي إحنا شايفينه ده كبير.. لو الحاجة مش مريحاني هسكت على الأقل.. اللي أنجزناه ده كله كنا مع بعض كلنا".
وأضاف: "لو كنا بنتكلم على 35 ألف فدان شغلوا 75 ألف، ولما نكمل الـ100 هنوصل كام؟.. على الأقل 200 ألف أو 250 ألف شغل حقيقي، وأرجو نحافظ على التأهيل والتدريب والمعايير علشان يفضل الأداء اللي بنستناه".
ودشِّن الرئيس عبدالفتاح السيسي، اليوم، 7100 صوبة زراعية على مساحة 34 ألف فدان في مدينة العاشر من رمضان، وذلك ضمن المشروع القومي للصوب الزراعية الذي تنفذه الشركة الوطنية للزراعات المحمية التابعة لجهاز الخدمة الوطنية للقوات المسلحة.
يأتي ذلك بحضور عدد من الوزراء وكبار رجال الدولة، أبرزهم الدكتور مصطفى مدبولي رئيس مجلس الوزراء، والدكتور محمد معيط وزير المالية، والدكتور محمد شاكر وزير الكهرباء، والدكتور أشرف صبحي وزير الشباب، واللواء محمد العصار وزير الدولة للإنتاج الحربي.