بريد الوطن| الكارت خلص
صورة تعبيرية
كام يوم من أيامك عدوا
وانا لافف فى الساقية باعد
العمر اللى بيجرى براحته
والحزن اللى يهد بجد
والفرص اللى انتى بترميها
ضيعتيها الطول فى العرض
تفاصيل وشك تحت «الماسك»
ضاعت ماتت راحت تاهت
مهما تحطى ف ميكب باهت
أصبح قلبى المفتون بيكى
شايل كل هموم الدنيا
عذراً أيا أجمل فيرجينيا
يا نجمة ونزلت عالأرض
قلبى بقى مرفوع م الخدمة
والكارت خلص وقفلت الخط
هشام فؤاد
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com