«بلال»: «كنت من أوائل الأزهر وعمرى ما هشارك فى المظاهرات تانى»
نزلاء يعملون داخل ورشة الأحذية
فى حجرة الحاسب الآلى بالمؤسسة العقابية للأحداث بالمرج تجدهم محدقين فى شاشات أجهزة الكمبيوتر، بعضهم يجلس منفرداً والبعض الآخر يجلس فى مجموعات يتسامرون ويلقون النكات على بعضهم، منهم من يقرأ كتاباً على شاشة الكمبيوتر، ومنهم من يلعب البلايستيشن، تختلف ثقافتهم ولكنهم يشتركون فى نفس المصير.
5 سنوات سجن «علشان غلطة» بسبب أصدقاء السوء
«عندى 17 سنة، طالب أزهرى فى الصف الثالث الثانوى من الشرقية، موجود بالمؤسسة منذ 6 أشهر» بهذه الكلمات بدأ بلال عادل فى سرد قصته لـ«الوطن»، مضيفاً «اتحكم علىّ بـ5 سنين سجن بسبب اشتراكى فى المظاهرات، وكنت محبوساً على ذمة القضية احتياطياً لمدة عام ونصف قبل النطق بالحكم الأخير»، وتابع «والدى يعمل مدرساً وكنت متفوقاً طوال سنوات دراستى السابقة وكنت بطلع من أوائل الجمهورية وهنا فى المؤسسة بيوفروا لى سبل الراحة عشان أقدر أذاكر كويس وبيوفروا لى كل المدرسين يومياً، وأهلى بيشتروا لى الكتب الخارجية وهما جايين يزورونى»، وأضاف «لما خرجت فى المظاهرات ما كنتش فاهم حاجة، صحابى هما اللى قالوا لى تعالى نشارك، وكان فيه ناس منهم بتكسر وتخرب واتاخدت معاهم بدون ذنب، ولو رجع بيا الزمن عمرى ما هسمع كلامهم تانى، ولو رجع بيا الزمن عمرى ما هكرر الغلطة دى تانى.