مسحراتى اليوم العشرين
![صورة أرشيفية](https://watanimg.elwatannews.com/image_archive/840x473/14704406341496926812.jpg)
صورة أرشيفية
مسحراتى
منقراتى
لا بد أنهج
دى كل ليلة
أبهى وأبهج
والفن منهج
والطبل شيلة
ميّلنى ميلة
كأنى أعرج
باحاذى الأرصف
وأغنى وأصرف
فرجت وتفرج
فرجت وتفرج
أستاذ مدارسى
من غير لا كرسى
ولا مدرج
والواد فى إيدى
صبح معيدى
صبح معيدى
يادوب تخرج
فرجت وتفرج
بتقول فى مغنى
أفراحه معنى
وأحزانه بهرج
ونقول فتيلة
مهما قتيلة
لها يوم تصهرج
فرجت وتفرج
العسر يسرا
الليل بيسرى
والخيل بيسرج
وأنا كلى حكمة
لازم أمهرج
وألعب بنجمة
وقمر أدحرج
يا حبايبى أهى جت
على نقرة فُرجت
ونقرة تفرج
المشى طاب لى والدق على طبلى
ناس كانوا قبلى قالوا فى الأمثال
الرجل تدب مطرح ما تحب
وانا صنعتى مسحراتى فى البلد جوال
حبيت ودبيت كما العاشق ليالى طوال
وكل شبر وحتة من بلدى حتة من كبدى حتة من موال