مسحـراتى اليوم الثانى عشر
صورة أرشيفية
وانا صنعتى مسحراتى فى البلد جوال
حبيت ودبيت كما العاشق ليالى طوال
وكل شبر وحتة من بلدى
حتة من كبدى
حتة من موال:
أنا طول حياتى ضنا يا طول حياتك أم
يا مصر يا معلمانى الصبر والخضرة
أنا الفقير الضعيف آمنت بالقدرة
يا شبر إيدك فى قلب الليل هلال رجبى
نزل على وقال لى يا ضنا اكتب
ولا حد أغنى من المالك لسان عربى
ولا حد أقوى من اللى عمره ما بيكدب
يا شبر إيدك فى قلب الليل هلال رمضان
نزل على وقال لى اسهر على الأوطان
وانا طول حياتى ضنا يا طول حياتك أم
اصـحى يا نايم
وحّد الدايم
السعى للصوم
خيرٌ من النوم
دى ليالى سمحة
نجومها سبحة
اصـحى يا نايم
يا نايم اصحى
وحّد الرزاق