برلماني: "بعض المسؤولين ودونا في ستين داهية.. وكارت أحمر لهم قريبا"
لجنة الإدارة المحلية بمجلس النواب
انتقد محمد الحسيني، وكيل لجنة الإدارة المحلية بمجلس النواب، زيادة بند تعويضات العاملين في الجهود غير العادية بموازنة محافظة الجيزة بمبلغ مليون جنيه عن العام الماضي.
جاء ذلك خلال اجتماع لجنة الإدارة المحلية بمجلس النواب، اليوم، المخصص لمناقشة مشروع موازنة محافظة الجيزة وخطة التنمية الاقتصادية والاجتماعية للعام المالي 2018-2019.
واستطرد "الحسيني"، أن تعويضات العاملين في بند الجهود غير العادية زادت مليون جنيه، "طيب إنت عندك جهود أصلاً، إزاي تزود مليون جنيه من قوت الشعب، وإيه هي الجهود غير العادية، إيه بيطلع يشتغل في الشمس يعني".
وتابع "الحسيني": "عايزين نمنع الأرقام الوهمية دي، وبقول للناس اعرفوا إن المسؤول اللي جزمته متلمعة متخدش منه رجا، إحنا هنحاسبك على أداء وبرامج، بعض المسؤولين مش بيعملوا حاجة.. وديتونا في ستين داهية، والمواطن مش لاقي حاجة، رئيس الجمهورية شغال نتعلم منه، ونخلي القوات المسلحة تشرف هي على المشروعات، إحنا بنتكلم في مصير شعب، فيه 8 ملايين مواطن في الجيزة، وعايزين نساعد المحافظ والأجهزة التنفيذية يشتغلوا، فيه ناس بتشتغل بجد وفيه ناس هتاخد كارت أحمر قريب إن شاء الله".