شيف سورى يفشل فى إقناع المصريين بـ«مربى الباذنجان»
مربى الباذنجان
على الرغم من استخدام الباذنجان فى عمل أشهر المخللات على المائدة المصرية، فإن الشيف السورى عبدالوهاب محمد قرر تقديمه للمصريين فى صورة مختلفة غير معروفة فى مصر وهى «مربى الباذنجان»، التى يدخل فى تكوينها معقود من عين الجمل والسكر والقرفة، وعلى الرغم من رواج هذه الأكلة فى المطبخ السورى فإنها لم تجد رواجاً بين المصريين بحسب «عبدالوهاب». فى منطقة مدينة نصر، ومنذ 3 سنوات، افتتح المشروع الخاص به لعمل المنتجات التراثية السورية، الباذنجان الأسود هو نوع الباذنجان الأمثل لصنع المربى: «هى بتتعمل من الباذنجان الأسود والأبيض وبيتم إضافة بعض المكسرات عليها زى عين الجمل والفستق والسمسم وجوز الهند»، 27 جنيهاً هو سعر البرطمان: «ده سعر الربع.. بس الإقبال مش كبير قوى لأن الناس فى مصر مش متخيلة تاكل بتنجان مسكر هما بيحبوه مخلل بالدقة والتوم». ووفقاً للطريقة السورية، يمر الباذنجان بعدة خطوات حتى يتحول لمربى، فى البداية يتم تقشير الباذنجان بشكل طولى ثم يُنقع فى ماء ساخن لمدة ساعتين: «الموضوع ده بنكرره 5 أو 6 مرات عشان نتخلص من كل الرواسب»، وبحسب «عبدالوهاب» فإنه يتم تركه فى وعاء على النار به سكر مذاب بـ6 أكواب من الماء: «وجود الباذنجان فى الشربات هو اللى بيخلى طعمه مسكر»، حيث يصف الأكلة بأنها من أهم الوجبات الشعبية بسوريا التى لا تخلو المائدة الرمضانية منها: «إحنا بنعمل الأكل اللى متعودين عليه عشان مانحسش بالغربة».