بريد الوطن| بمرور الوقت
صورة أرشيفية
حاسس بالوقت؟!
عارف دلوقت إنك مهزوم
فوق جبل الخوف هربان وحدك
مانتش معصوم
وحب الأب اللى اتخلى عن حلم عنيك
لا دعاك تركب جوه سفينته ولا نادى عليك
سابك فوق خوفك تستنى لمصير محسوم
ويعدى الوقت يتلخص عمرك كام مشهد
ينتهى بالروح لما بتخرج لحظة ما غرقت
والوحدة هتاخدك ف طوفانها
عيبك ف مشاعرك فيضانها
بيغرق كل حبيب فيها
وترجع مقسوم وانت ما صدقت
تنقسم اتنين على ترابيزتك
وتعيد تفنيطك وآهى ميزتك
تتشعبط على آخر درجة
لحلم معدى حدود السرعة
بس انت لحقت طب إيه.. صدقت؟!
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com