الشاعر إسلام خليل يهدي قصيدة للقوات المسلحة باسم "مصر بتحارب"
إسلام خليل
أهدى الشاعر إسلام خليل، قصيدة شعر للقوات المسلحة، تزامنا مع عملية "سيناء 2018" التي تقوم بها القوات المسلحة لتطهير سيناء من الإرهاب.
وألقى "خليل"، خلال مداخلة هاتفية مع الإعلامي أحمد موسى في برنامج "على مسؤوليتي" المذاع عبر فضائية "صدى البلد"، جزءا من القصيدة قائلا: "مصر بتحارب ياللي غاويين الحكاوي، وكلام ولا يودي ولا يجيب، مصر بتحارب ياللي قاعدين على القهاوي، تشربوا الشاي بالحليب، مصر بتحارب ياللي نايمين، تحت اللحاف شغالين عالفيس كتابة مصر بتحارب عشانا، ومحتجانا جنبها النهاردة، حسوا بيها ياللي نازلين ضرب فيها تحت عنوان المعارضة".
وتابع: "مصر بتحارب في اللي هربوا من السجون وعلينا سابو، لما حكم ابن الجماعة وساب صحابه، اللي خلى الأمهات باتت حزانى أهل شهر وكلها خسة وجبانة، اللي خلوا ست العرايس قلبها داب وانجرح يوم ما جالها موت عريسها بعد شهر من الفرح، اللي خلوا أب مفرحش بوليده اللي اتولدت، هيعيش يتيم عشان أبوه ضحى بحياته فدا البلد".
وأكمل: "مصر بتحارب في اللي جوا بيرهبونا واللي برا بيشتمونا فيه اللي دمر واللي خرب فيه العميل وفيه العميل وفيه الجاسوس، فيه اللي قاعدين من بعيد يصرفوا على الإرهاب فلوس، مصر بتحارب دول كارهين وجودنا، والكلاب اللي استباحوا في يوم حدودنا مصر بتحارب".