بريد الوطن| كيميا وطب
صورة أرشيفية
عشانا عليك يا رب
وغدانا لو تحب
الدنيا ضلمة ضلمة
وإمتى راح تقب؟
ماسك يا دوب طريقى
والحبل مش حقيقى
والدقّ من نافوخى
الروح تتوه تشبّ
فى الهمّ بايتة سوسة
ورايحة للعنوسة
نفسى أكون عروسة
ويجينى حبيب يحبّ
فلاح برزق يومه
شايل همُّه وهمومه
بتعلِّى ليه ف كومه؟
لا هى كيميا ولا هى طب
خرّيج للقهوة ساكن
ف جراشها يا عينى راكن
وأمل من لونه داكن
راكن فى قعر جبّ
من إيده يا دوب لبُقه
وإن طال للفحت زقه
دا غشيم جه كسر حُقّه
قزقز يا عمى لِبّ
عشانا عليك يا رب
وغدانا لو تحب
الدنيا ضىّ طالع
وبكرة راح تقبّ
لا هى كيميا ولا هى طب
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com