أرملة "طرابيك": رافعة راسي عشان مراتك.. مش مصدقة ان فات سنتين على موتك
سارة طرابيك
أحيت سارة طرابيك، أرملة الفنان الراحل سعيد طرابيك، الذكرى الثانية لوفاة زوجها، التي توافق اليوم.
وكتبت سارة، عبر صفحتها على "فيس بوك": "اليوم 15 /11 الموافق الذكري الثانية لوفاة زوجي المغفور له الحاج سعيد طرابيك، أدخله الله فسيح جناته وجعل قبره روضه من رياض الجنة".
وأضافت أرملة طرابيك: "رحلت عنا جسدا ولكن روحك تسكن في قلوبنا وقلوب محبيك، عمري ما نسيتك ثانية، ربنا يعلم بيا من يوم ما بعدت عني وأنا في عذاب، لكن روحي وقلبي معاك، وكل ما أكون مضايقة أقعد أبص لصورتك وأكلمها وأتمني تكون موجود، لكن انت مكانك في الجنة مش في الحياة".
وتابعت سارة: "عامين ولحد دلوقتي مش قادرة أستوعب إنك مش في الدنيا، الحاجة الوحيدة اللي أنا على يقين وثقة بالله كبيرة، ربنا بيحبك وراضي عنك، وأكيد انت في الجنة وحاسس بيا، ادعيلي يا سعيد بالصبر زي ماكنت بتدعيلي على طول، مفتقداك قوي".
واختتمت أرملة طرابيك: "أي مكان يذكر فيه اسمك إلا وكل الأبواب تتفتح إكراما ليك، أنا رافعة راسي في الدنيا لأنك زوجي، أنا عمري ما هبطل اتكلم معاك وأحكيلك، يا رب راضية واغفرله وسامحني يا الله إذا كنت بكيت على قضاءك رغم اني مؤمنة بالقدر والنصيب، أسألكم قراءة الفاتحة على روحه الطاهرة".