سكان عقار كرموز المنهار: بقينا فى الشارع.. ومحدش من المسئولين سأل فينا
![سكان عقار كرموز المنهار: بقينا فى الشارع.. ومحدش من المسئولين سأل فينا](https://watanimg.elwatannews.com/old_news_images/large/15908_660_472950.jpg)
«عمرى وحياتى ومالى كله راح تحت الأنقاض.. لا أملك أى حاجة خالص.. كله راح، حسبنا الله ونعم الوكيل».. بهذه الكلمات بدأت الحاجة نادية صادق، من سكان عقار كرموز المنهار بحارة العسال بغرب الإسكندرية حديثها لـ«الوطن»، مضيفة: «خلاص أنا بيتى بقى الشارع، مفيش حد من المسئولين حيسأل فينا.. حيكون مصيرنا زى الملايين اللى بيوتهم بتنهار ويظلوا فى الشوارع أو فى الأكشاك»، مؤكدة أن المسئولين لم يسألوا عليهم أبداً، ولم يأتِ أحدهم منذ انهيار البيت ليسأل عنهم.
وأضافت: صاحب المنزل المجاور هو السبب فى انهيار منزلنا بسبب محاولاته بناء عقار بعد أن هدمه دون تراخيص من الحى، لافتة إلى أن الرشاوى والبلطجة هى القانون المتعارف عليه، فلا أحد يقدر أن يتحدث مع المقاولين ولا أحد من الحى يسأل عن الغلابة، مشيرة إلى أن زوج ابنتها أصيب أثناء انهيار المنزل، عند محاولته إخراجهم، بكسور بمختلف أنحاء الجسم، وعند نقله للمستشفى الجامعى لم يستقبله أحد وعومل معاملة سيئة من قبل العاملين بالمستشفى.
وفى نفس السياق، قال عبدالله رفعت، ابن أحد المتوفين أثناء انهيار العقار: «أبونا راح خلاص والبيت ده الحاجة الوحيدة اللى نملكها، وكل حاجة راحت معاه، إحنا عايزين نعرف مصيرنا إيه دلوقتى؟ حنعيش فى الشارع إحنا ووالدتنا؟»، لافتاً إلى أنه وإخوته قفزوا من شرفة المنزل أثناء إحساسهم بالانهيار، لكن والدهم لم يقدر على القفز بسبب مرضه، لذلك استسلم للموت وظل داخل منزله لينهار معه.
وأشار رفعت إلى أنه منذ دفن والدهم لم يسأل عنهم أحد من الحى، وأثناء الذهاب إليهم يقولون «حنبعت حد من الحى علشان يتكلم معاكم ونشوف حنعمل إيه»، مؤكداً أنهم لن يتركوا الشارع، وسيظلون أمام منزلهم المنهار.