بالصور| قراء «الوطن» يتفاعلون مع سؤال «زمان أحلى عشان؟»
الوطن
تفاعل قراء جريدة «الوطن» مع السؤال الذي طرحته الصفحة الرسمية للجريدة على موقع التواصل الاجتماعي «فيسبوك»، «زمان حلو علشان؟».
وأجاب العديد من القراء على السؤال حيث قال أحد الأشخاص باسم «noga mero»: «كانت الناس طيبين وبجد كان في محبة بين الجيران وبعضهم ومكانش في كل الشر ده ولا التعصب ده، وكانت الناس محترمة جدا، والشوارع نضيفة، والعقول كمان كانت نظيفة مفهاش كل الضلمة دي، يا خسارة على بلدنا اللي ضاعت تحت مسمى التدين». وعلَّق «محمد الحصري»: «زمان كان الشارع بيربي، لو ابنك غلط تلاقي الكبير ينادي عليه ويقوله عيب هقول لوالدك، دلوقتي الشارع بقى بشع لو عيل صغير بيسب الدين وعادي جداً وما تقدرش تقوله كده عيب، أنا ممكن أعيش عمري بدون طرق ممهدة ولا مستشفيات نضيفة ولا عيشة، وده أبسط حقوقي استغنى عن كل ده بس يكون في أخلاق». وقالت «صباح العربي»: «الناس كانوا جدعان وعندهم نخوة وبيحافظوا على بعض، والجار بيسأل عن جاره ويساعده، وأهم شيء مكانش فيه ولا تحرش، كان فيه رجالة جدعان». وكتب حساب باسم «نازلة عمران»: «مكناش شيلين هم.. لأن كانوا الناس طيبين وصادقين مكانش المصلحة سبب للحب». وعلقت «ليليان» قائلة: «كان فيه دين وأخلاق وناس بتعرف تربي».