بورصة توقعات الشارع: أنصار شفيق "آخرهم يعملوا مؤتمر صحفي"
تباينت ردود أفعال المواطنين بعد إعلان اللجنة العليا للانتخابات الرئاسية، فوز الرئيس المنتخب محمد مرسى، خصوصا بشأن توقع رد الفعل المتوقع من جانب أنصار الفريق أحمد شفيق، نرصد منها ما يلي:
1- محمد عيسى:
شفيق مش هيعمل حاجة، بس أنا قلقان جدا، نفسى البلد تبقى حلوة، ربنا يسترها علينا.
2- محمد مصطفى :
قلقان جدا، أنصار شفيق "مش هيعدوها بالساهل".
3- صفاء يوسف
أنصار شفيق مش هينزلوا، آخرهم يعملوا مؤتمر صحفى، على العكس لو الإخوان كانوا اتهزموا ممكن كان يحصل حرب أهلية.
4- أسامة عبد العزيز:
الدنيا هتعدى بسلام، والدنيا هتمشى طبيعية باستثناء بعض المناوشات الخفيفة.
5- إسلام عادل:
أتوقع اعتصامات وإضرابات، ومن بعدها أحداث عنف.
6- نيفين عبد الحسيب:
هتبقى طبيعية، آمل من الله ذلك، مش هيحصل حاجة، لأن الناس مش عايزه مشاكل، هيرضوا بالأمر الواقع.
7- إسلام النجار:
أنا مش خايف دى لحظات محسومة عند ربنا، الموضوع خارج التوقعات.
8- محمد خالد:
أتوقع بنسبة قليلة جدا حدوث اشتباكات، وسيتم السيطرة عليها.
9- رنا بدوى :
"طالما مرسي كسب يبقى المجلس هايبقى عاوز يولعها، فمش بعيد تحدث اشتباكات".
10- مريم مسعد:
استحالة أنصار شفيق يعملوا اشتباكات، هيرضوا بالأمر الواقع.