بالفيديو| والد "يوستينا" يكشف تفاصيل جديدة في قضية "قاضي الحشيش"
مجدي عبدالمجيد
قال مجدي عبدالمجيد، والد "يوستينا"، المتهمة في القضية المعروفة إعلاميا بـ"قاضي الحشيش"، إن "القاضي السابق طارق زكي مجرم وأفسد المجتمع"، كما أنه ضيع مستقبل ابنته، على حد قوله.
ووجه حديثه لمحامي القاضي خلال مداخلة هاتفية مع الإعلامي وائل الإبراشي، في برنامج "العاشرة مساء"، والذي يذاع على فضائية "دريم"، قائلًأ: "أنت بتدافع عن واحد متأكد أنه كان معاه حشيش وظلم البنت والسواق المفروض متتكلمش عن العدالة.. أنت بتتكلم بلغة الفلوس.. حط نفسك مكاني".
وأضاف "عبدالمجيد": "القاضي راح واستلم المخدرات من أبو أشرف وخد 2 مليون جنيه، وكان عاوز يلحق الضابط صاحبه اللي كان هيعديه من النفق، بنتي ملهاش ذنب وملهاش علاقه باللي حصل.. والمفاجأة بقى أن المحامي عارف كده.. واخد فلوس علشان يدافع عن مجرم".
وتابع: "بنتي كانت الأولى على الجامعة بتقدير امتياز، بنتي كانت رايحة عشان شغل، وكانت خارجة مع رئيس محكمة الساعة 12 الظهر مش 2 بالليل، والقاضي قعد يعطلها وقال لها هنشوف الشغل بعدين، لحد ما دخل النفق".