أكلات مستوحاة من عالم الكارتون: ابنك على ما تعوديه
أكلات مستوحاة من عالم الكارتون
تقديم الأطعمة بطريقة جذابة هو فن تلجأ إليه الأمهات لفتح شهية أطفالهن وجذبهن للأنواع المفيدة من الخضار والفاكهة، هذا ما تحرص عليه سارة وصفى، 30 عاماً، التى تعد الطعام لأطفالها بطريقة مستوحاة من أشكال كرتونية وتزينه بألوان طبيعية من الخضار والفاكهة ليكون وجبة مليئة بالفيتامينات.
باستخدام الجزر تزين «سارة» البيض المسلوق والجبن وتحولهما إلى أشكال فنية «كتاكيت وفراخ وضحكات»: «أى طفل بيحب الأكل الملون اللى فيه أشكال جذابة، بيعتبرها زى لعبة من الألعاب اللى بيلعب بيها، عشان يتشجع على الأكل»، لافتة إلى أن الطفل يحتاج إلى معاملة خاصة فى الأكل: «مينفعش نحط لهم الأكل كله على بعضه فى طبق واحد، لو أى أم عايزة ابنها ياكل لازم تحببه فى الأكل بطريقة فيها فن وذوق». «قرد، سلحفاة. باندا».. هى أنواع الحيوانات التى تصنعها شاهى مصطفى، 27 عاماً، فى أطباق الأرز والخضار المسلوق لجذب طفلها البالغ من العمر 5 سنوات إلى الأكلات المفيدة: «ابنى مرتبط بالحيوانات جداً، ألعابه كلها حيوانات لدرجة إنه بيحضنها وهو نايم وبيرفض ياكل إلا لو شاف فى الطبق أشكال حيوانات».