الممبار الصينى يغزو أسواق الجيزة: «شعب أكيل بطبعه»
«أم محمد» بائعة ممبار صينى فى سوق إمبابة
انتشر بكثرة فى عدد من الأسواق الشعبية فى القاهرة والجيزة، وشهد إقبالاً كبيراً من المستهلكين لرخص سعره مقارنة بالبلدى، هو الممبار الصينى، أحدث بضاعة مستوردة انتشرت فى الأسواق خلال الفترة الأخيرة، وهو ما أحدث جدلاً فى الأسواق استدعى قيام مديرية الطب البيطرى بالجيزة بمتابعة الأسواق التى تبيع هذا النوع من الممبار وأخذ عينة للتأكد من سلامته ومدى ملاءمته لصحة المواطنين، وتم أخذ عينة لتحليلها لم تثبت نتيجتها حتى الآن.
فى سوق إمبابة الشهيرة، جلست «أم محمد»، بائعة حلويات، أمام «طشت» كبير ممتلئ بكمية كبيرة من الممبار الصينى، فمنذ عدة أشهر وهى تذهب إلى السلخانة يومياً لجلب كمية من الممبار الصينى ويكون نظيفاً ومملحاً ليتحمل فترة شحنه واستيراده: «مفيش أى فرق بينه وبين الممبار البلدى فى الطعم، وأرخص منه بكتير عشان كده الناس بتشتريه».
بائعة بسوق إمبابة: بجيبه من السلخانة متنضف جاهز ومملح عشان يستحمل رحلة الشحن والتصدير.. وجزار: الصينى وقف البلدى لأنه أرخص بس الله أعلم بمدى صلاحيته
تطهو «أم محمد» قطع الممبار وتأكل منه يومياً فهو بالنسبة لها وجبة مشبعة لفترات طويلة ورخيص جداً يناسب دخلها البسيط: «أنا بطبخه وباكل منه يومياً ومن فترة طويلة، وصحتى أنا وأسرتى كويسة الحمد لله، الممبار ده بييجى متنضف بالملح ولونه أبيض زى الشمع، الزباين بتشكر فى طعمه وبيقولوا إنه أنضف من البلدى وسعر الكيلو 30 جنيه بس».
أبو أحمد، جزار بالسوق نفسها، لاحظ فى الفترة الأخيرة انتشار باعة الممبار الصينى، وخاصة يوم الجمعة من كل أسبوع، حيث تشهد السوق توافد أعداد كبيرة من المواطنين: «السوق هنا زحمة جداً كل يوم، لكن يوم الجمعة تحديداً غير أى يوم من أيام الأسبوع، لأنه اليوم الرئيسى للسوق»، مؤكداً أنه يبيع الممبار البلدى فقط وبسعر 50 جنيهاً للكيلو، لكنه لا يشهد إقبالاً كبيراً كالممبار المستورد: «البياعين فى السوق بيجيبوا النوع المستورد من السلخانات وشغال مع الناس جداً، كل حاجة بقت صينى ما وقفتش على الممبار، وفيه ناس كتير مش بتعرف تفرق بينه وبين البلدى أصلاً».
سارة عبدالفتاح، ليست من زبائن الممبار الصينى ولم تجربه لكنها مع أى سلعة رخيصة فى ظل الغلاء الذى يحاصر المواطن: «أول مرة سمعت فيها عن الممبار الصينى استغربت جداً إن الصينى وصل للممبار كمان، لكن ما سمعتش أى شكوى من الناس اللى جربته، وقالوا إن طعمه حلو وسعره يعتبر رخيص زى غيره من السلع الصينى اللى مغرقة السوق».