4 شيفات يفضحون مطعماً شهيراً فى «الزمالك»: وجباته فاسدة
لحوم فاسدة داخل المطعم صورها الشيفات الأربعة
طيلة عملهم فى أحد المطاعم الشهيرة بالزمالك، كانوا يرصدون بأعينهم مخالفات جسيمة فى صنع الأطعمة المقدمة للزبائن، خامات تالفة وملوثة وأخرى منتهية الصلاحية كانت تدخل ضمن الأكلات التى تخرج من المطبخ إلى بهو المطعم فى أطباق مزينة بشكل يجذب العين لكنه فى الحقيقة غير صالح للاستهلاك الآدمى، أربعة شيفات شهدوا على العديد من عمليات الغش وكانوا أحياناً ينبهون الزبائن: «خلوا بالكم الوجبة دى مش كويسة، مكوناتها فاسدة، فيه وجبة أفضل منها»، لكنهم فى النهاية وأمام عدم صمتهم أمام ما يحدث تعرضوا للفصل من المطعم.
أحد الشيفات: قدمنا شكاوى وبلاغات فى مباحث التموين ووزارتى الصحة والتضامن ولم يتحرك أحد ومدير المطعم: فصلناهم بعد أن حصلوا على كل مستحقاتهم لأنهم لا يتقنون المهنة
«عبدالرحمن، أسعد، شريف، محمد» قدموا العديد من البلاغات والشكاوى فى مباحث التموين ووزارتى الصحة والتضامن الاجتماعى خلال فترة عملهم فى المطعم بأسماء مجهولة لكن دون جدوى.. قالوا إن المطعم الشهير يقدم أطعمة فاسدة وغير صالحة للاستهلاك الآدمى، حسب أسعد أحمد، أحد الشيفات الـ4 الذين تعرضوا للفصل التعسفى من المطعم: «مشونا من غير ما ناخد مرتب آخر شهر اشتغلناه، والمسئول عن المطعم قال لنا بالنص لو خرجتم أى كلام بره عن أى حاجة شفتوها، انتم أول ناس هتتئذى لأنكم كنتم من الأفراد اللى بيشتغلوا فيه».
دهشة انتابت الشاب الثلاثينى من التهديدات المباشرة التى تلقاها هو وزملاؤه، على الرغم من الفساد الذى شاهده داخل المطبخ ووثقه فى مجموعة من الصور، وكانت هى السبب فى خروجهم من المطعم نهائياً: «فيه ناس كتير مبتصدقناش من كتر ما المحل له اسمه ومعروف، كانوا بيفكرونا بنفرض عليهم اختيارات الوجبات، لكن الزباين اللى يعرفونا كانوا بيثقوا فى كلامنا وفيه ناس مبقتش تيجى المطعم من الأساس»، وتابع: «أول ما اتفصلنا من الشغل قدمنا شكاوى كتير بقالها ييجى شهر، والغريبة إن مفيش حملة مراقبة واحدة راحت المطعم حققت معاه، والوجبات المقدمة مش بيبان فيها الفساد اللى شفناه بعنينا، والشيفات الكبيرة فى المكان كانوا هما اللى عليهم الطبخ واحنا بنقدمه».
«أكلنا مفيهوش أى مشاكل، إحنا لينا اسمنا ومعروفين»، قالها سامح حسن، مدير المطعم الشهير، رداً على البلاغات التى قدمها 4 شيفات كانوا يعملون فى المطعم قبل فصلهم، مبرراً تعرضهم للفصل التعسفى بعدم إتقانهم المهنة بعد فترة تدريبهم: «اشتغلوا 3 شهور فترة تدريب، ولقيناهم مش متقنين المهنة فمشيناهم بعد ما أخدوا كل مستحقاتهم».