خالد تليمة عن "محمد محمود" و "رابعة": دم القاتل مش زي دم المقتول
خالد تليمة
انتقد الإعلامي خالد تليمة، مذيع برنامج "صباح ON"، المذاع على شاشة "أون تي في"، من يقومون بتشبيه مظاهرات شارع "محمد محمود"، بمظاهرات ميدان "رابعة العدوية"، ومن يقومون بمساواة شهداء "محمد محمود" بقتلى ميدان "رابعة العدوية".
وقال "تليمة"، عبر حسابه الشخصي على "فيس بوك"، "من إمبارح والنهاردة، وفي وسط الزحمة كده شايف ناس بتلزق رابعة جنب أي كلام عن محمد محمود، يمكن في ناس نسيت، ويمكن في ناس القهر والاستبداد بيخليهم ما يعرفوش يميزوا بين الحاجات وبعضها، ويمكن كان في شباب صغيرين شوية وقتها".
وأضاف تليمة: "عشان الحقايق متضعيش في وسط الزحمة، أحب أفكركم بشوية حاجات، أولاً: محمد محمود ده مكانش فيه منصة بتحرض على قتل كل المختلفين مع أبطاله، ولا كان فيه ارهابيين واقفين على منصاته بيحرضوا وبيهددوا المجتمع وأمنه وناسه، ثانياً: أبطال محمد محمود مكنش حيلتهم غير أجسادهم وأروراحهم، وشوية حجارة، وحاجات بدائية يدافعوا بيها عن نفسهم وحلمهم، ثالثاً: أبطال محمد محمود مكنش وراهم تنظيم تاريخه أسود من لحظة تأسيسه، لحد ماعمل كل الوساخات اللي سلمت الثورة على طبق من دهب لأعدائها".
وتابع "تليمة"، "رابعاً: أبطال محمد محمود محرضوش على حد وقالوا دول بلطجية وعايزين يعملوا وقيعة بنا وبين الجيش، خامساً: "أبطال محمد محمود لم يسعوا للإستيلاء على الحكم بالقوة، وضد رغبة ملايين المصريين، كانوا في الشوارع ضد حكمهم، سادساً: تعبت من العد والسرد، بس مش هبطل أقول إن الدم كله مش واحد".
واستطرد "تليمة": "لا يمكن استحمل أبداً، واسكت على مساواة دم القاتل بالمقتول، سابعاً: محمد محمود مش رابعة، بس ده ممنعناش إننا نقول ونطالب بتحقيق يكشف ملابسات فض الاعتصام ويحاسب المسؤولين عن وجود ضحايا ماتوا من غير ما يكون لهم ذنب".