نقيب معلمي القاهرة والجيزة: "أولادي لما بيعرفوا إن معاشي 350 جنيه بيتكسفوا"
المعلمون بالمعاش
قالت الأستاذة فاطمة حافظ، نقيب معلمي القاهرة والجيزة، إن نقابة المعلمين لم تصرف لأعضائها مرتبات شهر أبريل الماضي والذي تم تأجيله من النقابة، على أن يراعى صرفه في شهر يوليو المقبل.
وأضافت "حافظ"، في تصريح لـ"الوطن"، أن المعاش الذي يتم صرفه لهم هو مبلغ 350 جنيها بنظام الدفعات كل 4 أشهر "يناير، أبريل، يوليو، أكتوبر" وحينها فوجئ أصحاب المعاشات بالبنك يبلغهم بأن الدفعة الخاصة بهم في أبريل غير موجودة، وستُصرف في شهر يوليو، متسائلة: "هل سيتم صرف مستحقات أبريل ويوليو معا".
وتابعت قائلة: "لما روحنا النقابات الفرعية قالولنا مافيش فلوس وإحنا فعلا المنطق بيقول لنا انتم ليكم في شهر 7 مرتبات ولو أنت مش قادر الحكومة كانت بتصرف لنا معاش المعلمين على مستوى الجمهورية كلها موقوفة"، موضحه "المبلغ تافه ومايستهلش البهدلة اللي كنا بنتبهدلها ونروح ونطلع وننزل، وكنا الأول بنروح مبنى مدرسة وبهدلة اللي هما الكبار مركزا وسنا ومع ذلك كنا بنروح نتبهدل في كل مدرسة علشان ناخد المرتبات بتاعتنا كل 3 شهور وفي الآخر ادونا الكارت من أول يوليو اللي فات وجينا بقى نصرف شهر أبريل قالولنا هتصرف في شهر 7".
وتساءلت نقيب معلمي القاهرة والجيزة قائلة "إيه المبرر إنهم ياخدوا مننا مرتباتنا الصغيرة؟"، موضحة أن المعاش الخاص بالحكومة يكون في حدود 2080 جنيها شهريا، مشيرة إلى أن النقابة كانت تأخذ منهم معاشاتهم قبل خروجهم على سن الـ60 والذي من المفترض إعادته لهم في تلك الفترة.
"الخوف على اللي جاي وفيه ناس بتموت والدولة بتديهم 266 جنيه والمعلمين نفسهم"، كلمات أوضحت فيها "حافظ" سبب قلقها وغيرتها على إرجاع المعاشات إلى أصحابها، موضحة "كلنا عندنا قلق أن احتمال تؤجل كلها وميبقاش فيه معاش من النقابة خالص"، مختتمة: "أولادي لما بيعرفوا معاشي ده بيبقوا مكسوفين ويضحكوا".