الفنان أشرف عبدالغفور وأبنته الفنانة ريهام عبد الغفور
علاقة خاصة جدا جمعت بين الفنان الراحل أشرف عبدالغفور وابنته الفنانة ريهام عبد الغفور، لم يخف الثنائي مشاعر الحب والتعلق الشديد، الذي وصل لحدود امتنان الأب لوجود ابنته بل ونسب جزء من نجاحه لها، «هو أنا ليا شغلانة دلوقتي غير ريهام، طبعا بشوف كل شغلها، ريهام وسعت رقعة معجبيني، من زمان جدا وناس كتير بتكلمني مش إني أشرف عبد الغفور لكن أبو ريهام عبد الغفور، بقوا بيكلموني عشان أبو ريهام وبيسلموا على ريهام».
«أبوتامر» كانت الكنية التي اعتاد عليها الفنان أشرف عبد الغفور، نسبة إلى ابنه الكبير تامر، قبل دخول ابنته ريهام الفن ليطلق عليه فنيا «أبو ريهام»، بحسب ما ذكر الفنان أشرف عبد الغفور، ليبقى اللقبان الأحب لقلبه.
لم تترك الفنانة ريهام عبد الغفور مساحة لوالدها للنصيحة أو لسؤالها عن اختياراتها عن أعمالها الفنية، حيث وجد الأب أن ابنته تتمتع منذ اليوم الأول لانضمامها بالفن لخبرة فطرية مكنتها من الحرص على عدم تكرار الأدوار التي تقوم بها، «كانت بترفض الأدوار المشابهة طول الوقت، وتمردت على قالب البنت الكيوت الحلوة البريئة والملاك الطاهر، بعد سنتين تلاتة بالكتير، وبعدين رمت نفسها في النار زي دورها في الريان، وكله بعدها، ويشهد على ده عام 2022، هي صورت 5 أو 6 أعمال في 3 سنوات واتعرضوا ورا بعض على نفس المنصة، لو كانت مش حريصة على التلون والتنوع كانت بقت كارثة، لكن الحمد لله مفيش دور شبه التاني».
«لم تتعجل شهرة أو مال، وياما اتزنقت ماليا كثير جدا لكن لم تستجب لأداء أدوار لا ترغبها، وترفض، رغم أن اللي حواليها مقدرون لرأيها لكن ساعات يستنكرون ده، خاصة أن نسبة الأعمال اللي عملتها 1 من 10 من اللي بيعرض عليها».
تعليقات الفيسبوك